Sidtulid

Sidtulid, mantad hogot sorisid om tulid (Boros Inggilis: linear algebra) nopo nga' iso raan do pongintaban it poingimurio' do lahis piiradan totulid (linear system of equations) mikuo pampos totulid (linear maps) om nogi ponutunan diolo id suang do liang tuduk (vector spaces) maya' winaal roitan do lagob (iso: matrix, ogumu: matrices). Tongo piiradan totulid id ngaan do $n$ osimban kivoos do ingkaa:

$a_0{x}_0+a_1{x}_1+\cdots +a_n{x}_n=\sum _{i=0}^n{a}_i{x}_i=b$

Om pampos totulid kivoos do ingkaa nogi:

$(x_0,\cdots ,x_n)\mapsto b$

Sidtulid nopo nga' iso raan di ogumu no kopio ampos okon nopo id pongintaban tataakas (pure mathematics) nga' id pongintaban tapakai (applied mathematics) nogi. Mantad dii om iri no osima ampos do sidtulid id pomorunan (engineering) om pingihiman tapakai (applied sciences).